Asia Cup Trophy Mohsin Naqvi Ind vs Pak: बीसीसीआयचे उपाध्यक्ष राजीव शुक्ला यांनी आशिया चषकाच्या पारितोषिक वितरण सोहळ्याच्या वेळी घडलेल्या प्रकाराबाबत एसीसीचे अध्यक्ष मोहसीन नक्वीवर प्रश्नांची सरबत्ती केली. यानंतर मोहसीन नक्वीने उपरती घेत माफी मागितल्याची माहिती समोर आली आहे.
Asia Cup 2025 Final – Mohsin Naqvi vs Team India: ट्रॉफी ड्राम्यावरून वाद, अखेर मोहसीन नक्वीनी मागितली माफी
आशिया चषक 2025 (Asia Cup 2025) स्पर्धेच्या अंतिम सामन्यात भारताने पाकिस्तानचा पराभव करत नवव्यांदा आशिया चषक जिंकला. मात्र जेतेपद मिळवूनही भारतीय संघाने अद्याप ट्रॉफी स्वीकारलेली नाही. आशियाई क्रिकेट परिषदेचे अध्यक्ष आणि पाकिस्तानचे मंत्री मोहसीन नक्वी (Mohsin Naqvi) यांच्या हस्ते ट्रॉफी व वैयक्तिक पारितोषिकं स्वीकारण्यास भारतीय संघाने स्पष्ट नकार दिला होता.
हा प्रकार घडल्यावर मोहसीन नक्वी एकटेच व्यासपीठावर राहिले आणि नंतर ट्रॉफी घेऊन मैदानाबाहेर गेले. यानंतर बीसीसीआयने (BCCI) आक्रमक भूमिका घेतली. काल, 30 सप्टेंबर रोजी दुबईत पार पडलेल्या आशियाई क्रिकेट परिषदेच्या (ACC) बैठकीत या वादावर चर्चा झाली.
या बैठकीत बीसीसीआयचे उपाध्यक्ष राजीव शुक्ला (Rajeev Shukla) यांनी ट्रॉफी वितरणावेळी झालेल्या प्रकारावरून मोहसीन नक्वी यांना जोरदार सवाल केले. त्यानंतर नक्वींनी आपल्या भूमिकेची पुर्नविचार करत माफी मागितल्याची माहिती पुढे आली. “घडलेला प्रकार टाळता आला असता. आपण नव्याने सुरुवात करू, क्रिकेटला मोठं करू,” असं म्हणत नक्वींनी सळसळीत माघार घेतली. तसेच, “भारतीय संघाचा कर्णधार सूर्यकुमार यादव स्वतः ट्रॉफी घेऊन जावा,” अशी अपेक्षा त्यांनी व्यक्त केली.
नेमकं काय घडलं?
पाहलगाममधील दहशतवादी हल्ल्याच्या पार्श्वभूमीवर भारतीय संघातील खेळाडूंनी पाकिस्तानच्या खेळाडूंशी हस्तांदोलन टाळलं होतं. तसेच अंतिम सामन्याच्या आधी होणाऱ्या पारंपरिक फोटोशूटलाही भारतीय खेळाडूंनी नकार दिला होता.
सामन्यानंतर, कुलदीप यादव, अभिषेक शर्मा आणि तिलक वर्मा यांनी आपापली वैयक्तिक पारितोषिकं मात्र इतर मान्यवरांकडून स्वीकारली. परंतु आशिया चषकाची मुख्य ट्रॉफी स्वीकारण्यास संपूर्ण भारतीय संघाने नकार दिला.
या कारणामुळे पारितोषिक वितरण सोहळा जवळपास तासभर उशिराने सुरू झाला. मोहसीन नक्वी हे त्या वेळेत एकटेच स्टेजवर उपस्थित होते. भारतीय संघाकडून ट्रॉफी स्वीकारली न गेल्यामुळे अखेर मोहसीन नक्वी ट्रॉफी घेऊन थेट हॉटेलमध्ये पोहोचले.
निष्कर्ष: आशिया चषक विजेते ठरूनही भारताने राजकीय व संवेदनशील पार्श्वभूमी लक्षात घेऊन स्पष्ट भूमिका घेतली. यामुळे वाद उद्भवला असला, तरी अखेर मोहसीन नक्वींच्या माफीनंतर परिस्थिती काहीशी निवळल्याचं चित्र आहे.